ԽԱՉԱՏՈՒՐ Ա. ՔՀՆՅ. ՊՕՂՈՍԵԱՆ-ԵՐԲ ՈՐ ՄՈՒՍԱԴ ԱՅՑԻ ՔԵԶ ԳԱՅ
Armweeklynews.amՄՇԱԿՈՒՅԹ
 

 

ԵՐԲ ՈՐ ՄՈՒՍԱԴ ԱՅՑԻ ՔԵԶ ԳԱՅ

ԵՐԲ ՈՐ ՄՈՒՍԱԴ ԱՅՑԻ ՔԵԶ ԳԱՅ

****

Երբ որ մուսադ քեզ այցի գայ,
Մեծ հաճոյքով զինք ողջունէ՛
Ուշադրութեամբ մտիկ ըրէ՛
Ըսածները արձանագրէ՛։

Պարապ ձեռքով ետ մի՛ ղրկեր.
Եթէ կու գայ այցի քեզի՝
Հաղորդելիք պատգամ ունի։
Սիրով զինքը մտիկ ըրէ՝
Երբ որ մուսադ քեզ այցի գայ,
Զինքը սիրով մտիկ ըրէ՛,
Հաւատարիմ ընկերդ է
Երախտապարտ եղիր իրեն,
Երբ որ մուսադ քեզ այցի գայ,
Ուրախացի՛ր, քեզ սիրելուն
Համար կու գայ, հետը խօսի՛ր
Ու կարծիքդ արտայայտէ՛,

Որպէսզի ան իմանայ քեզ,
Գիտնայ ինչպէ՛ս կը զգաս
Դուն քեզ. հակառա՞կ ես
Թէ համաձայն իր ըսածին…

Երբ որ մուսադ քեզ այցի գայ,
Պարապ ձեռքով ետ մի ղրկեր,
Քեզ սիրելուն համար կու գայ
Պատգամ ունի տալիք քեզի։

ԽԱՉԱՏՈՒՐ Ա. ՔՀՆՅ. ՊՕՂՈՍԵԱՆ, Նիս, 2 նոյեմբեր 2015/Armweeklynews.am

ԵՐԲ ՈՐ ՄՈՒՍԱԴ ԱՅՑԻ ՔԵԶ ԳԱՅ
© 2010-2018  Կապը »  Contacts Այցելեք » Facebook
 Արխիվ » 2011-2018